مہاراشٹر میں کورونا کے فعال کیسز 2.20 لاکھ سے تجاوز

مہاراشٹر میں گزشتہ چوبیس گھنٹوں میں کورونا کے 20,800 نئے کیسز کی تصدیق ہونے کے بعد متاثرین کی مجموعی تعداد 8.84 لاکھ کے قریب پہنچ گئی، اس کے ساتھ ہی فعال کیسز میں بھی نو ہزار چھ سو سے زیادہ کا اضافہ درج کیا گیا ہے۔

ملک میں کورونا وائرس سے سنگین طور پر متاثر مہاراشٹر میں گزشتہ چوبیس گھنٹوں کے دوران انفیکشن کے ریکارڈ 20,800 نئے معاملے سامنے آنے کے بعد متاثرین کی تعداد سنیچر کی رات بڑھ کر 8.84 لاکھ کے قریب پہنچ گئی لیکن تشویش کی بات یہ ہے کہ اس کے ساتھ ہی فعال معاملات بھی نو ہزار چھ سو سے زیادہ کا اضافہ درج کیا گیا ہے۔

ریاست میں اس دوران نئے معاملات کے مقابلہ میں صحت یاب ہوئے لوگوں کی تعداد میں بھی کمی درج کی گئی اور اس دوران 10,801مزید مریضوں کے صحت یاب ہونے سے انفیکشن سے نجات پانے والوں کی تعداد 6.36 لاکھ سے زیادہ ہوگئی ہے۔

سرکاری ذرائع کے مطابق ریاست میں اب تک 8,83,862 لوگ اس وبا کی زد میں آئے ہیں اور 312 مزید مریضوں کی موت ہوجانے سے مرنے والوں کی تعداد بڑھ کر 26,276ہوگئی ہے۔

ریاست میں صحت یاب ہونے والوں کی مجموعی تعداد 6,36,574 ہوگئی ہے۔ ریاست میں مریضوں کے صحت یاب ہونے کی شرح آج کم ہوکر 72.02فیصد رہ گئی جو جمعہ کو 72.51فیصد تھی جبکہ مریضوں کی اموات کی شرح 2.97فیصد رہ گئی۔

ریاست میں آج 9,683 مریضوں کا اضافہ درج کئے جانے سے تشویش بڑھ گئی ہے، ریاست میں کورونا کے فعال معاملات کی تعداد آج 2,20,661 پر پہنچ گئی جو جمعہ کو 2,10,978رہی تھی۔ تمام مریضوں کا مختلف اسپتالوں میں علاج چل رہا ہے۔

خیال رہے کہ مہاراشٹر پورے ملک میں کورونا انفیکشن اور اس سے اموات کے معاملہ میں پہلے نمبر پر ہے۔ ملک میں سب سے زیادہ فعال مریض بھی اسی ریاست میں ہیں۔