ادھو ٹھاکرے کے بیان پر ابو عاصم اعظمی کا شدید رد عمل

رکن اسمبلی ابو عاصم اعظمی نے کہا کہ وزیرِ اعلیٰ ادھو ٹھاکرے نے بابری مسجد کو لیکر جو بیان دیا ہے یہ کامن مینیمم پروگرام کے تحت ٹھیک نہیں ہے۔ اس لیے حکومت میں شامل مسلم وزراء کو اپنے عہدوں سے استعفیٰ دے دینا چاہیے۔

سماجوادی پارٹی کے رکن اسمبلی ابو عاصم اعظمی نے شیو سینا میں شامل تمام مسلم وزراء پر تنقید کرتے ہوئے کہا کہ حکومت میں شامل مسلم وزراء سی اے اے اور این آر سی کو بھول چکے ہیں۔ اُنہیں شرم آنی چاہئے۔

ابو عاصم اعظمی نے پوچھا کہ مسلم ریزرویشن کب دیا جائے گا۔ انہوں نے مزید کہا کہ تمام مسلم وزراء سی اے اے اور این آر سی کو بھی بھول چکے ہیں۔ انہوں نے اس تعلق سے شرد پوار کو ایک خط لکھنے کی بات کہی۔

واضح رہے کہ وزیر اعلی ادھو ٹھاکرے نے ودھان سبھا میں کہا تھا کہ مرکزی حکومت نے ساورکر کو بھارت رتن کیوں نہیں دیا؟ انہوں نے یہ بھی کہا تھا کہ بی جے پی کو اپنی سابق اتحادی جماعت شیوسینا کو ہندوتوا کا 'پاٹھ' یعنی سبق نہیں پڑھانا چاہیے۔