ریاست مہاراشٹر میں آئندہ اسمبلی انتخابات کی تیاریوں کا جائزہ لینے کے لیے ایک میٹنگ طلب کی گئی جس میں چیف الیکشن کمشنر سنیل اروڑہ، ریاستی الیکشن کمیشن کے حکام کے ساتھ ساتھ پولیس افسران بھی موجود تھے۔
اس کے علاوہ کمیشن نے سیاسی پارٹیوں سے بھی ملاقات کی۔
چیف الیکشن کمشنر سنیل اروڑہ نے کہا کہ 'چند پارٹیوں نے بیلٹ پیپر کے ذریعے ووٹ کرانے کی بات کی لیکن ہم نے ان سے کہا کہ یہ ممکن نہیں، یہ طریقہ کار اب تاریخ کا حصہ بن گیا ہے۔'
انہوں نے کہا کہ 'الیکٹرانک ووٹنگ مشین (ای وی ایم) کے ساتھ کسی بھی طرح کی چھیڑ چھاڑ نہیں کی جا سکتی۔ مشین میں کوئی خرابی ہو سکتی ہے لیکن اس میں چھیڑچھاڑ نہیں کی جا سکتی ہے۔'
مہاراشٹر میں اسمبلی انتخابات اکتوبر یا نومبر میں ہو سکتے ہیں۔
