تومر اور کھنہ مرکزی مبصر مقرر

بھارتیہ جنتا پارٹی کے صدر امت شاہ نے مہاراشٹر میں پارٹی کی قانون ساز پارٹی کے اجلاس کے لیے مرکزی وزیر نریندر سنگھ تومر اور پارٹی کے قومی نائب صدر اویناش رائے کھنہ کو مرکزی مبصر مقرر کیا ہے۔

بھارتیہ جنتا پارٹی کے سینیئر رہنما نریندر سنگھ تومر اور اویناش رائے کھنہ کل ممبئی میں پارٹی کی میٹنگ میں موجود رہیں گے۔ اس میٹنگ میں مقننہ اجلاس کے رہنما کا انتخاب کیا جائے گا۔

وزیراعلیٰ دیویندر فڑنویس نے بتایا کہ 'مرکزی وزیر داخلہ امت شاہ کل کی میٹنگ میں شرکت نہیں کریں گے۔'

قابل ذکر ہے کہ ریاست میں حکومت سازی کے تعلق سے شیوسینا اور بی جے پی کے درمیان سخت رسہ کشی جاری ہے جس پر سب کی نظر ہے۔