پی ڈبلیو ڈی وزیر اشوک چوہان نے فڑنویس کے مہاوکاس آگھاڑی حکومت کو بول بچن حکومت کہنے پر رد عمل ظاہر کرتے ہوئے کہا کہ ”بول بچن لفظ بھارتیہ جنتا پارٹی کو بالکل فٹ بیٹھتا ہے۔ 15 لاکھ روپے دینے کا وعدہ کس نے کیا؟ دو کروڑ نوکریوں کا وعدہ کس نے کیا؟ کس نے یہ یقین دہانی کرائی کہ نوٹ بندی سے فائدہ ہوگا؟ ایسے بہت سارے سوالات ہیں۔ ان سوالات کی روشنی میں بول بچن کون ہے؟ یہ واضح ہے کہ اس طرح کے بول بچن صرف بی جے پی کے لوگ ہیں۔”
اشوک چوہان کا فڑنویس پر طنز
مہاراشٹرا کے سابق وزیر اعلی اور موجودہ پی ڈبلیو ڈی وزیر اشوک چوہان نے کہا کہ ”دیویندر فڑنویس کو ایم ایل سی انتخابات کے بعد مہاراشٹر چھوڑ کر مرکزی سیاست میں جانا پڑے گا کیونکہ انتخابات میں مہا وکاس آگھاڑی حکومت کی فتح ہوگئی۔”
اشوک چوہان کا سوال، فڑنویس مہاراشٹر کی سیاست چھوڑ کر دہلی جائیں گے؟
چوہان نے مزید کہا کہ ”یہ انتخاب بہت اہم ہے کیونکہ اس انتخاب میں پہلی بار شیوسینا، این سی پی اور کانگریس تینوں پارٹیاں مل کر انتخابات لڑ رہی ہیں، مہا وکاس آگھاڑی حکومت کے قیام کے بعد یہ پہلا الیکشن بھی ہے، اب تینوں جماعتیں مل کر یہ انتخاب یقینی طور پر جیتیں گی، ریاست کی ایک خطیر رقم بہتر صحت کے لیے خرچ کی گئی ہے۔ تاکہ کورونا کو شکست دی جاسکے۔ حکومت اس بات کی پوری کوشش کر رہی ہے کہ کورونا کی دوسری لہر نہ آئے۔”
چوہان نے فڑنویس پرطنز کرتے ہوئے کہا کہ میں دوبارہ آؤں گا' کہنے کا خواب کبھی پورا نہیں ہوگا۔ ٹھاکرے کی حکومت پانچ سالہ مدت پوری کرے گی۔”