ارنب کو 14 دنوں کےلیے عدالتی حراست میں بھیجا گیا

بدھ کی صبح ممبئی پولیس نے دو برس قبل خودکشی کے لئے اکسانے کے معاملے میں ریپلک ٹی وی کے چیف ایڈیٹر ارنب گوسوامی کو ان کی رہائش گاہ سے گرفتار کیا تھا۔

ریپلک ٹی وی کے چیف ایڈیٹر ارنب گوسوامی کو بدھ کو چودہ دنوں کے لئے عدالتی حراست میں بھیج دیا گیا۔

واضح رہے کہ آج بدھ کی صبح ممبئی پولس نے دو برس قبل خودکشی کے لئے اکسانے کے معاملے میں انہیں ان کی رہائش گاہ سے گرفتار کیا تھا۔

پولس نے گوسوامی کو شام کو علی باغ عدالت میں پیش کیا تھا۔ تقریبا چھ گھنٹوں کی طویل سماعت کے بعد عدالت نے انہیں 18 نومبر تک عدالتی حراست میں بھیج دیا ہے۔

عدالت نے ان کی ضمانت کی عرضی مسترد کردی۔

رپورٹ کے مطابق گوسوامی جمعرات کی صبح بامبے ہائی کورٹ میں اپنے خلاف درج ایف آئی آر ختم کرانے کے لئے اپیل کریں گے۔