جامعہ محمدیہ منصورہ کیمپس میں ایلوپیتھی ہاسپٹل کا آغاز

جامعہ محمدیہ منصورہ کیمپس میں یونانی میڈیکل کالج اینڈ ہاسپٹل گذشتہ کئی دہائیوں سے کامیابی کے ساتھ جاری ہے۔

ریاست مہاراشٹر کے مسلم اکثریتی شہر مالیگاؤں میں ادارہ جامعہ محمدیہ میں 'ایلوپیتھی ہاسپٹل' کا قیام بروز اتوار 28 مارچ 2021 کو عمل میں آیا۔ جس کا افتتاح مالیگاؤں کے معروف سرجن ڈاکٹر سعید فیضی کے ہاتھوں ہوا۔

ایلوپیتھی ہاسپٹل

اس موقع پر مدعو مہمان خصوصی معروف سرجن ڈاکٹر سعید فیضی اور ڈاکٹر سعید فارانی نے جامعہ محمدیہ میں شعبہ ایلوپیتھی کی شروعات پر انتظامیہ اور ڈاکٹر حضرات کو مبارکباد پیش کی اور نیک خواہشات کا اظہار کیا۔ آج اس ایلوپیتھی ہاسپٹل کی شروعات جنرل تیس بیڈ اور چھ آئی سی یو بیڈ سے ہوئی۔ جس میں ونٹیلیٹر مشین، تجربہ کار و قابل اسٹاف اور مکمل میڈیکل سہولیات فراہم کی گئی ہے۔

آئندہ دنوں میں اس ایلیوتھی ہاسپٹل میں مزید دیگر جدید طبی سہولیات کے ساتھ خدمات بھی انجام دی جائے گی۔ اس طرح کا اظہار و خیال جامعہ محمدیہ منصورہ کیمپس کے چیئرمین مولانا ارشد مختار نے کیا۔ انھوں نے کہا کہ ایلوپیتھی ہاسپٹل سے شہر مالیگاؤں اور اطراف کے لوگوں کو بہت فائدہ پہنچے گا۔

واضح رہے منصورہ کیمپس میں یونانی میڈیکل کالج اینڈ ہاسپٹل گذشتہ کئی دہائیوں سے کامیابی کے ساتھ جاری ہے۔ جس میں یونانی طب خدمات دی جارہی ہے اور امسال ایلوپیتھی ہاسپٹل کی بنیاد رکھی گئی ہے۔

اس افتتاحی تقریب میں مولانا ارشد مختار، چیئرمین جامعہ محمدیہ، راشد مختار، سکریٹری جامعہ محمدیہ، ڈاکٹر سعید فارانی، شکیل فیضی، ڈاکٹر ابولعرفان، ڈاکٹر مہیش نکم، ڈاکٹر سید منہاج، ڈاکٹر عامر مسلم، ڈاکٹر پرویز فیضی، ڈاکٹر شہزاد، ڈاکٹر عمران منصوری، ڈاکٹر مدثر، ڈاکٹر عبدالماجد اور امگا ڈاکٹرز ٹیم نے شرکت کی۔