ممبئی: قلابہ اور کف پریڈ میں جرائم کی روک تھام کے لئے 250 سی سی ٹی وی کیمرے نصب

قلابہ اور کف پریڈ کا شمار ممبئی کے پوش علاقوں میں ہوتا ہے لیکن یہاں فلک بوس عمارتوں کے ساتھ ساتھ جھونپڑیوں کی تعداد خاصی ہے۔

ممبئی کے ڈاکٹر امبیڈکر نگر، قلابہ ٹرانزنٹ کیمپ، گنیش مورتی نگر میں 70 ہزار سے زائد لوگ مقیم ہیں۔ امبیڈکر نگر، گنیش مورتی نگر، کف پریڈ، بيكبے ریکلمیشن اور گرنرمان سنستھا کے علاقوں میں متعدد مذاہب کے لوگ رہتے ہیں۔ علاقے میں جرائم پر روک لگانے کے لئے یہاں سی سی ٹی وی کیمرے لگائے گئے ہیں جس کے سبب اب یہاں جرائم کی وارداتوں پر روک لگائی جا سکتی ہے۔

اس تعلق سے ایک مقامی پرشانت گھاڈگے کہتے ہیں کہ 'پورے علاقے میں کیمرے انسٹال کیے گئے ہیں جو مارڈرن ٹیکنالوجی سے لیس ہیں۔

پرشانت کہتے ہیں کہ یہ وہی علاقہ ہے جس کا استعمال کر کے شدت پسندوں نے 26/11 کو ممبئی میں حملہ کیا تھا۔

انہوں نے مزید کہا کہ 'اب یہاں کے سی سی ٹی وی ستونوں میں اُن ہلاک شدگان کے بارے میں مختصر معلومات لکھی جائے گی جو اس حملہ میں ہلاک ہوئے تاکہ آنے والی نسلوں کو اُس حملے کے بارے میں معلومات ہو اور اُن حملوں میں اپنی جان گنوانے والے لوگوں کو بھی یاد رکھیں۔'

سی سی ٹی وی کیمرے کا ایکسیس جلد ہی پولیس کو دیا جائے گا تاکہ جرائم کی واردات ہوں یا واردات کی سازش رچی جائے تو اُنہیں اس کی جانکاری ہو جائے۔