فیکٹری میں مشین گرنے سے مزدور ہلاک

اترپردیش کے ضلع بجنور میں پائپ فیکٹری میں کام کرنے والے مزدور پر اچانک ایک لوہے کی بھاری مشین کے گرنے سے مزدور ہلاک ہو گیا۔ مزدور کو جلد از جلد ہسپتال پہنچایا گیا لیکن ہسپتال پہنچنے سے پہلے ہی مزدور نے دم توڑ دیا۔

پولیس نے لاش کو پوسٹ مارٹم کے لئے بھیج دیا ہے۔ پولیس پورے معاملے کی تحقیقات کر رہی ہے کہ اچانک مشین کیوں اور کیسے گری؟

ریاست اترپردیش کے بجنور ضلع کے دارا نگر گنج میں پرکاش پائپ فیکٹری پچھلے کئی سالوں سے بڑے بڑے نالوں میں استعمال ہونے والے پائپ کو بناتی ہے۔ گذشتہ 15 سالوں سے کام کرنے رہے ایک مزدور دیویندر کے اوپر اچانک ایک لوہے کی بھاری مشین ٹوٹ کر اس کے جسم پر گر گئی۔ دیویندر موقع پر ہی بےہوش ہو گیا۔

وہاں کے مزدور جلد اسے ہسپتال لے گئے لیکن اس نے راستے میں ہی دم توڑ دیا۔ موقع پر پہنچی پولیس نے نعش کو قبضے میں لے کر پوسٹ مارٹم کے لیے روانہ کر دیا ہے۔ مرنے والے کے لواحقین کے مطابق ، وہ اس خاندان میں واحد کمانے والا شخص تھا۔ اس کے کئی چھوٹے چھوٹے بچے بھی تھے۔