اترپردیش: حسن پور علاقے میں خاتون کی لاش برآمد

امروہہ کے حسن پور تھانہ حلقہ کے تحت ایک گاؤں میں دیہی باشندوں کی اطلاع پر پولیس گاؤں پہنچی اور لاش کو اپنے قبضے میں لے کر پوسٹ مارٹم کے لئے بھیج دیا ہے۔

اتر پردیش کے ضلع امروہہ کے حسن پور تھانہ حلقہ کے تحت ایک گاؤں میں پولیس کو ایک نامعلوم ادھجلی ہوئی لاش ملی ہے۔

معاملہ کے تحت امروہہ تھانہ حلقہ کے تحت گاؤں بھینسرولی میں دیر رات گاؤں والوں کو آگ کا دھواں دکھائی دیا۔ جب گاؤں والے جائے واقعہ پر پہنچے اور آگ پر قابو پایا گیا تو اس میں ایک نامعلوم خاتون کی لاش دکھائی دی۔ آتشزنی میں خاتون کا جسم مکمل طور پر جل گیا ہے۔

دیہی باشندوں نے معاملے کے متعلق پولیس کو اطلاع دی۔ پولیس بھی موقع پر پہنچ گئی اور لاش کو پوسٹمارٹم کے لئے بھیج دیا ہے۔

ایس پی نے پولیس اہلکاروں کے ساتھ جائے واردات کا جائزہ لیا اور گاؤں والوں سے پوچھ گچھ کی لیکن اس دوران لاش کی شناخت نہیں ہو سکی ہے۔
اے ایس پی اجے پرتاپ سنگھ کے مطابق ملزم کو جلد گرفتار کرلیا جائے گا۔