مظفر نگر: ملک کے لیے قربانی دینے والے جوانوں کو خراج تحسین

ریاست اتر پردیش کے ضلع مظفر نگر کے نومیش پنڈال پر یوم آزادی سے قبل 14 اگست کی شام ملک کے لیے اپنی جانوں کا نذرانہ پیش کرنے والے جوانوں کو اعلی شخصیات سمیت مقامی لوگوں نے خراج تحسین پیش کیا۔

نومیش پنڈال کے امر جوان جویتی پر یوم آزادی کے موقع اُن کو یاد کیا گیا۔ اس موقع پر مہمان خصوصی کلکٹر سیلوا کماری جے اور بلدیہ کے چیئرمین انجو اگروال تھی۔

دونوں افسران نے امر جوان جیوتی پر دو منٹ تک خاموشی رکھ کر ان کے لیے دعائیں کیں اور ان کے مجسمے پر گلہائے عقیدت پیش کیا۔ امر جوان جیوتی پر خراج تحسین پیش کرنے والے مہمانوں میں اے ڈی ایم امیت کمار، سٹی مجسٹریٹ اتُل کمار، ایس ڈی ایم اجے امبشت، میونسپل کونسلر ای او ونایمانی ترپاٹھی، بزنس مین ابھیشیک اگروال سمیت متعدد شخصیات شامل رہیں۔ شہریوں نے خراج تحسین پیش کرنے کے بعد قومی ترانہ گایا۔