جگر مرادآبادی کے شہر سے راحت اندوری کا رشتہ

عالمی شہرت یافتہ شاعر راحت اندوری کے انتقال کے بعد شاعروں اور ادیبوں کے ساتھ ساتھ عام لوگوں نے بھی اپنے رنج و غم کا اظہار کیا ہے۔

راحت اندوری نے ملک اور بیرونی ملکوں میں بڑے بڑے اسٹیجوں پر اپنے کلام پڑھے ہیں۔ آج ہم آپ کو مرادآباد کا وہ اسٹیج دکھانے جارہے ہیں جہاں پر راحت اندوری نے اپنے بہترین کلام پیش کئے تھے۔

شاعر جگر مرادآبادی کے نام سے مرادآباد کے پنچایت بھون کے میدان میں بنے جگر منچ پر راحت اندوری نے کئی مشاعرے پڑھے ہیں۔

راحت اندوری کو سننے کے لئے مرادآباد میں لوگ رات کے آخری حصے تک ان کا انتظار کرتے تھے۔ راحت کے انتقال کے بعد مرادآباد کے عوام نے سخت رنج و غم کا اظہار کرتے ہوئے انہیں خراج عقیدت پیش کیا ہے۔