مرادآباد: 60 روز بعد ریلوے کی ٹکٹ بکنگ شروع

کورونا وائرس کے پیش نظر پورے ملک میں لاک ڈاؤن کے تقریبا 60 روز کے بعد مرادآباد ریلوے اسٹیشن پر صبح دس بجے سے ٹکٹ بکنگ کاؤنٹر کھول دیے گئے ہیں۔

ایک جون سے ریلوے محکمے کی جانب سے تقریبا 100 جوڑی ٹرین شروع کرنے کے اعلان کے بعد سے ریلوے نے ٹکٹ بکنگ شروع کر دی ہے۔ اب کوئی بھی مسافر ریلوے اسٹیشن پہ جا کر اپنا ٹکٹ بک کرا سکتا ہے۔

ریلوے اسٹیشن بکنگ کاؤنٹر پر سبھی بکنگ اسٹاف موجود ہیں لیکن ٹکٹ بکنگ کرانے کے لئے کچھ ہی لوگ نظر آ رہے ہیں۔

خیال رہے ملک میں کورونا وائرس کے پیش نظر پہلے مرحلے کا لاک ڈاؤن 25 مارچ سے 14 اپریل تک 21 روز کے لیے کیا گیا۔ اس کے بعد دوسرے مرحلے کا لاک ڈاؤن 15 اپریل سے 3 مئی تک 19 روز کے لیے کیا گیا۔ تیسرے مرحلے کا لاک ڈاؤن 4 مئی سے 17 مئی تک 14 روز کے لیے کیا گیا۔ اس کے باوجود جب ملک بھر کے دیگر مقامات سے کورونا کے زیادہ معاملے سامنے آئے تو چوتھے مرحلے کا لاک ڈاؤن کیا گیا۔ چوتھے مرحلے کا لاک ڈاؤن 18 مئی سے 31 مئی تک 14 روز کے لیے کیا گیا۔