امروہہ میں تین چور گرفتار

امروہہ کے حسنپور پولیس نے بڑی کامیابی حاصل کرتے ہوئے تین چوروں کو گرفتار کیا ہے۔ یہ تینوں لوٹ اور چوری کی وارداتوں کو انجام دیا کرتے تھے۔

پولیس نے مخبر کی اطلاع پر ایک مکان میں چھاپے ماری کر تین چوروں کو گرفتار کیا ہے۔ یہ تینوں چوری کے ساتھ لوٹ کی واردات کو بھی انجام دیتے تھے۔ پکڑے گئے مجرموں نے کچھ دن قبل دکان سے واپس آ رہے ایک دکاندار کے ساتھ بھی لوٹ مار کی تھی۔

پکڑے گئے چوروں کے پاس سے پولیس کو چوری ہوا موبائل، ایک غیر قانونی طمنچہ، ایک غیر قانونی چاقو اور لوٹے گئے 15 ہزار روپے بھی برآمد کیے ہیں۔ پورے معاملے کی جانکاری دیتے ہوئے اے اس پی امروہہ اجے پرتاپ سنگھ نے بتایا کہ پولیس کے لیے یہ ایک بڑی کامیابی ہے۔