علی گڑھ میں گزشتہ روز پولیس اور عوام کے درمیان ہوئے تصادم میں فائرنگ سے ایک جوان زخمی ہوگیا تھا۔ جس کے بعد علی گڑھ میں انٹرنیٹ خدمات رات میں 12 بجے تک بند کر دی گئی تھیں۔
اس واقعے کے بعد سنبھل میں پولیس نے چوکسی میں اضافہ کر دیا اور زیادہ حساس علاقوں میں فورس کےساتھ مارچ نکالا۔
واضح رہے کہ 19 اور 20 دسمبر کو سنبھل میں شہریت ترمیمی قانون کے خلاف آگزنی اور توڑ پھوڑ کے واقعات پیش آئے تھے جس کے مد نظر حفاظت کے انتظامات کو درست رکھنے کے لیے پولیس کپتان نے فورس کے ساتھ مارچ نکالا۔
قریب 27 روز سے دہلی کے شاہین باغ کی طرز پر سنبھل کے پکا باغ میں بھی شہریت ترمیمی قانون کے خلاف خواتین مظاہرے پر بیٹھی ہیں۔
پولیس مستعدی دکھاتے ہوئے اس بار حساس مقامات پر مارچ کررہی ہے، یہ حالات تب پیدا ہوئے جب علی گڑھ میں پرتشدد واقعات رونما ہوئے تھے۔