نوجوان کی موت، قتل یا خودکشی؟

ریاست اترپردیش کے شہر رامپور کے گنج تھانہ علاقے میں ایک 25 سالہ نوجوان کی گردن کٹی لاش ملنے کے بعد علاقے میں سنسنی پھیل گئی۔

رامپور کے تھانہ گنج علاقے کے محلہ شیخ کا پھڑ میں آج صبح اس وقت سنسنی پھیل گئی جب ایک شخص کی گردن کٹی خون سے لتھ پتھ لاش اس کے گھر میں ہی پڑی ملی۔ اطلاعات کے مطابق تقریباً 25 سالہ فیصل نامی نوجوان جو کنی بنانے کا کام کرتا تھا اور اپنی بہن کے گھر رہتا تھا۔ لیکن آج صبح ان کی گردن کٹی لاش ملنے سے علاقے میں سنسنی پھیل گئی۔

مقتول فیصل کے رشتہ داروں کے مطابق وہ لاک ڈاؤن کی وجہ سے گھر میں رہتے ہوئے دماغی مرض کا شکار ہو گیا تھا۔ گذشتہ دنوں جب دوبارہ لاک ڈاؤن کا اعلان ہوا تو وہ مزید ذہنی طور پر پریشان ہو گیا۔

آج جب اس کی چیخ پکار کی آواز سنی تو اس کا گلا کٹا ہوا تھا۔ فی الحال فیصل کے ولد عبد النبی ان کے لیے ان موت کا راز ان کے خاندان والوں پر سوالیہ نشان ہے اور پولیس معاملے کی تحقیقات میں لگ گئی ہے۔

پولیس افسران نے موقع پر پہنچ کر واردات کی جانکاری حاصل کی۔ پولیس نے لاش کا پنچ نامہ بھر کر پوسٹ مارٹم کے لیے ضلع ہسپتال بھیج دیا ہے اور تفتیش کے لیے مقتول فیصل کے بہنوئی کو پولیس اسٹیشن لے گئی ہے۔