مرادآباد بی جے پی دفتر میں منعقدہ کسان مورچہ کے اجلاس میں مہمانِ خصوصی کی حیثیت سے مرکزی وزیر رام کمار شیراوت نے شرکت کی اور اس موقع پر میڈیا کانفرنس سے خطاب کیا۔
مرادآباد میں رام کمار شیراوت نے پریس کانفرنس سے خطاب کیا انہوں نے بتایا کہ 26 ستمبر کو وزیراعلیٰ یوگی آدتیہ ناتھ لکھنؤ میں کسانوں کے ساتھ ایک سیمینار منعقد کریں گے۔ اس سلسلہ میں ریاست کے تمام اسمبلی حلقوں میں اجلاس منعقد کئے جارہے ہیں۔
یہ بھی پڑھیں:سنبھل: شادی کے تین دن بعد خاتون کی موت، کئی حراست میں
رام کمار شیراوت، مرادآباد میں متعدد منصوبوں کا اعلان کریں گے۔ انہوں نے مزید کہا کہ اترپردیش حکومت نے کسانوں کے فائدہ کے لیے کئی کام کئے ہیں۔ یوگی آدتیہ ناتھ نے کسانوں کے لیے بہت کام کیا ہے۔ انہوں نے بتایا کہ حکومت نے ساڑھے چار سالوں میں دھان کی ریکارڈ خریداری کی ہے جب کہ اس کی رقم 72 گھنٹوں کے اندر ادا کردی گئی وہیں گنا بقایا کا 85 فیصد رقم بھی ادا کردی گئی ہے۔
