'وزیر داخلہ استعفی دیں'

پلوامہ حملے پر سیاسی بیان بازیوں کا سلسلہ رکنے کا نام نہیں لے رہا ہے۔ ایک طرف اپوزیشن پارٹیاں نکتہ چینی کررہی ہیں تووہیں برسراقتدار پارٹی اسے الیکشن ایشو بنانے میں مصروف ہے۔

اس معاملے میں اب کانگریس کمیٹی کے ٹریزری نعیم صدیقی نے پلوامہ حملہ پر سوال اٹھائے ہیں۔

ریاست اترپردیش کے شہر بارہ بنکی میں گزشتہ شب ستیہ پریمی نگر میں کانگریس امیدوار تنج پنیا کی حمایت میں منعقدہ ریلی سے خطاب کرتے ہوئے نعیم صدیقی نے کہا کہ 300 کلو آر ڈی ایکس سے بھری گاڑی سی آر پی ایف کے قافلہ میں ایک بس سے ٹکرا جاتی ہے، تو حفاظتی انتظامات کی ذمہ داری کس کی تھی'۔

انہوں کہا کہ گورنر بی جے پی کا ہے، وزیر داخلہ، وزیر دفاع بھی بی جے پی سے ہی ہیں لیکن اس حملہ کی ذمہ داری کسی نے نہیں لی،

انہوں نے کہا اس معاملے میں کوتاہی برتنے کی پاداش میں وزیرداخلہ راجناتھ سنگھ کو استعفی دینا چاہیے۔