ریاست اتر پردیش کے ضلع مرادآباد کے تھانہ مجھولہ علاقے کے محلہ وشنو نگر کے لوگوں نے جواریوں سے پریشان ہوکر نے ضلع کلکٹریٹ پر احتجاج کیا۔ احتجاجیوں نے ایس ایس پی پربھاکر چودھری کو ایک درخواست بھی دی جس میں انہوں نے انتظامیہ سے اپیل کیا کہ ہمارے علاقے میں کچھ آوارہ شرپسند نوجوانوں کی ایک ٹولی جمع ہو کر جوا، شراب نوشی کے ساتھ ساتھ محلے کی خواتین سے چھیڑ چھاڑ کرتی ہے۔
جواریوں سے پریشان مرد و خواتین کا احتجاج
علاقے کے لوگوں نے جب ان کی مخالفت کی تو انہوں نے محلے کے لوگوں کے ساتھ بر ابرتاؤ کیا اور انھیں مارنے پر آمادہ ہوئے۔ اس بابت جب علاقے کی پولیس چوکی انچارج سے شکایت کی گئی تو انہوں نے بھی ان پر کارروائی کرنے سے منع کردیا۔