مرادآباد کے امبیڈکر پارک میں پرگتی شیل سماج وادی پارٹی کے کارکنوں نے مہنگائی کے خلاف احتجاج کرتے ہوئے ڈی ایم شیلیندر کمار سنگھ کے ذریعہ وزیراعظم نریندر مودی کو ایک میمورنڈم روانہ کیا۔ میمورنڈم میں ملک بھر میں لگاتار بڑھ رہی مہنگائی پر روک لگانے کا مطالبہ کیا۔
مہنگائی کے خلاف پرگتی شیل سماج وادی پارٹی کا احتجاج
پرگتی شیل سماج وادی پارٹی کے مرادآباد صدر جین چودھری نے ای ٹی وی بھارت سے بات کرتے ہوئے کہا کہ آج پورے ملک میں لگاتا مہنگائی بڑھتی جارہی ہے لیکن حکومت اس پر قابو پانے میں ناکام ثابت ہوئی ہے۔ انہوں نے کہا کہ پٹرول، ڈیزل اور گیس کے دام آسمان چھورہے ہیں، بڑھتی مہنگائی سے عوام پریشان ہیں۔