ایودھیا میں بننے والی مسجد پر سیاست

آل انڈیا مسلم پرسنل لا بورڈ کے سکریٹری اور سینیئر وکیل ظفریاب جیلانی کے دیے گئے بیان پر اترپردیش کے مرادآباد میں ایک تنظیم کے ریاستی صدر نے سیاست کا الزام عائد کیا۔

ٹیم مودی تنظیم کے ریاسی صدر رئیس آغا نے پریس کانفرینس میں کہا کہ ٹیم مودی سپورٹر سَنگھ اقلیتی لوگوں کو اپنے ساتھ جوڑ کر بھارتیہ جنتا پارٹی کی حمایت کرتا ہے۔ انہوں نے مزید کہا کہ 'ایودھیا کے رام مندر پر سیاست کرنے والے اب کہاں ہیں؟ جو اب تک اس پر سیاست کر رہے تھے۔'

رئیس آغا نے کہا کہ بھارتیہ جنتا پارٹی سب کا ساتھ، سب کا وکاس اور سب کا وشواس کے ساتھ کام کر رہی ہے۔ انہوں نے اس دوران آل انڈیا مسلم پرسنل لاء بورڈ کے سکریٹری ظفریاب جیلانی پر زبانی حملہ بولا ۔

اس دوران رئیس آغا نے کہا کہ مسلمان تعلیم کے میدان میں پچھڑا ہوا ہے اور مسلمانوں کو جدید تعلیم حاصل کرنے کے لیے آگے آنا چاہیے۔