مرادآباد سٹی ایس پی امت آنند نے معاملہ کا خلاصہ کرتے ہوئے بتایا کہ 25 تاریخ کو تھانہ سول لائنس علاقے میں ایک خاتون آٹو میں کہیں جانے کے لیے سوار ہوئی تھی، اس کے پاس ایک بیگ میں زیورات اور کچھ نقدی تھے۔ گرفتار کی گئیں تینوں خواتین نے اسی آٹو میں سوار ہو کر اس خاتون کے بیگ پر ہاتھ صاف کر دیا۔
زیورات کا بیگ آٹو میں سے چوری ہونے کے بعد خاتون نے اپنی رپورٹ تھانہ سول لائنس میں درج کرائی تھی۔ پولس نے معاملے کو درج کر ملزموں کی تلاش شروع کر دی۔ پولس نے اس معاملے میں تین خواتین کو گرفتار کیا ہے، جس میں دو ضلع بجنور اور ایک ضلع میرٹھ کی ہے۔
پکڑی گئی تینوں خواتین نے اس سے قبل بھی کئی واردات انجام دیے ہیں۔ یہ تینوں خواتین سال 2013 سے اس طرح کی واردات انجام دے رہی تھیں۔ انکی عمر تقریبا 20 سے 25 سال ہے۔ ان کے پاس سے ایک پرس ایک سونے کی انگوٹھی سمیت کچھ سامان برآمد ہوا ہے۔
