مرکزی اور صوبائی حکومت معذوروں کو مدد پہنچانے کے لئے کئی منصوبے چلا رہی ہے لیکن حکومت اور انتظامیہ کی عدم توجہی کی وجہ سے معذوروں کے لئے چلائی جا رہی مختلف اسکیموں سے معذوروں کو فائدہ نہیں پہنچ پا رہا ہے۔
اتر پردیش کے ضلع مرادآباد کے تھانہ مینا ٹھیر کے گاؤں محمود پور مافی کے رہنے والے معذور ببلو سنگھ نے ڈی ایم راکیش کمار سنگھ کو ایک درخواست دیکر ضلع انتظامیہ سے اپنے لئے ای ٹرائی سائیکل کا مطالبہ کیا ہے۔
ببلو سنگھ نے میڈیا سے بتایا کہ وہ دو نو ٹانگوں سے معذور ہے اور اسکے پاس معذور سرٹیفکٹ ہونے کے بعد بھی اسے آج تک ٹرائی سائیکل نہیں مل سکی۔ اس نے ڈی ایم راکیش کمار سنگھ کو ایک درخواست دیکر اپنے لئے ایک ٹرائی سائیکل کی مانگ کی ہے۔
ٹرائی سائیکل کے لئے کئی جگہ گرام پردھان اور کئی سیاسی رہنماؤں سے وہ پہلے بھی مطالبہ کر چکا ہے لیکن اسے ابھی تک ٹرائی سائیکل نہیں مل سکی ہے۔