مسلم قیادت کے اتحاد کے لیے پُرعزم: اسماعیل باٹلی والا

نیشنل اتحاد منچ کے چیف کو آرڈینیٹر اسماعیل باٹلی والا نے میڈیا سے بات کرتے ہوئے کہا کہ گذشتہ دس سالوں سے سیاسی یونٹی کیمپین کے تحت وہ مسلمانوں کے سیاسی اتحاد کے لئے لڑائی لڑ رہے ہیں۔ انہوں نے کہا کہ اس کیمپین کا مقصد چھوٹی جماعتوں کو ایک ساتھ جمع کرکے ملکی پیمانے پر مسلمانوں کے سیاسی مستقبل کو روشن بنانا ہے۔

ریاست اتر پردیش میں اگلے چند ماہ میں اسمبلی انتخابات ہونے ہیں۔ جیسے جیسے انتخابات کے ایام قریب آرہے ہیں ویسے ویسے سیاسی جماعتوں کی سرگرمیاں بھی تیز ہوتی جارہی ہیں۔

اسی سلسلے کی کڑی کے پیش نظر نیشنل اتحاد منچ کے چیف کوآرڈینیٹر اسمائیل باٹلی والا مرادآباد پہنچے۔

انہوں نے میڈیا سے بات کرتے ہوئے کہا کہ گذشتہ دس سالوں سے سیاسی یونٹی کیمپین کے تحت وہ مسلم سیاسی اتحاد کی لڑائی لڑ رہے ہیں۔ انہوں نے کہا کہ اس کیمپین کا مقصد چھوٹی جماعتوں کو ایک ساتھ جمع کرکے ملکی پیمانے پر مسلمانوں کے سیاسی مستقبل کو روشن بنانے کے اقدام کرنا ہے۔

انہوں نے مزید کہا کہ وہ جلد ہی اترپردیش کے دارالحکومت لکھنؤ جا کر پیس پارٹی اور اسدالدین اویسی کی پارٹی اے آئی ایم آئی ایم پارٹی کے دفتر پر جاکر یہ مطالبہ کریں گے کہ وہ مسلمانوں کے سایسی مستقبل لئے اتحاد قائم کریں۔

انہوں نے رامپور میں واقع محمد علی جوہر یونیورسٹی کے موضوع کہا کہ الہ آباد ہائی کورٹ جاکر وہاں کے وکلا سے بات چیت کی اور اس سے متعلق جانکاریاں بھی حاصل کر رہے ہیں۔