مرادآباد: سماجوادی پارٹی نے ایس ڈی ایم کو سونپا میمورنڈم

ہمانشو ورما نے ای ٹی وی بھارت سے کہا کہ میمورنڈم کو گورنر کو بھیجا جا رہا ہے۔

اتر پردیش میں سابق وزیر اعلی اکھلیش یادو کے حکم پر سماج وادی پارٹی کا احتجاج اضلاع کی تحصیلوں پر مودی اور یوگی سرکار کے خلاف جم کر کیا گیا۔ ضلع مرادآباد کی تحصیل پر سماج وادی پارٹی کے کارکنوں نے بیل گاڑی پر موٹرسائیکل رکھ کر ڈیزل اور پیٹرول کے بڑھتے داموں کی مخالفت کی اور ایس ڈی ایم کے ذریعہ گورنر کو ایک میمورنڈم بھیجا۔

ای ٹی وی بھارت کے نمائندہ سے مرادآباد تحصیل صدر ایس ڈی ایم ہمانشو ورما نے خاص بات چیت کرتے ہوئے کہا کہ آج سماج وادی پارٹی نے مختلف مطالبات کے متعلق احتجاج کیا گیا۔ انکی طرف سے دئے گئے میمورنڈم کو گورنر کو بھیجا جارہا ہے۔ ایک ساتھ جمع ہونے اور سماجی فاصلہ کا خیال نہ رکھے جانے اور ماسک نہ لگائے جانے کے خلاف کیا قانونی کارروائی کی جائے سکتی ہے کے سوال کا جواب دیتے ہوئے ایس ڈی ایم نے کہا کہ ویڈیو اور فوٹوگرافی کے بعد ہی فیصلہ لیا جائے گا اور جو مناسب کاروائی ہوگی وہ کی جائے گی۔