مرادآباد- فلم امید کی کرن کی لانچنگ

ریاست اتر پردیش کے مرادآباد ایم آئی ٹی کالج کے ہال میں کیرتی پکچر لکھنؤ نے اپنی شارٹ فلم 'امید کی کرن' کا پریمئر لانچ کیا۔ فلم کے ڈائریکٹر ایم پی بادل نے بتایا کہ یہ فلم بچوں پر مبنی ہے۔

کیرتی پکچر کی جانب سے بنائی گئی فلم 'امید کی کرن' کی شوٹنگ امروہہ اور مراد آباد میں کی گئی ہے، اس فلم میں کام کرنے والے اداکار اور رائٹر کو شال دے کر اعزاز سے نوازا گیا۔

فلم 'امید کی کرن' کا مقصد بچوں میں تعلیمی جذبہ پیدا کرنا اور والدین میں بچوں کے تعلیم حاصل کروانے کے طرف توجہ دینا ہے۔ اس فلم کے ذریعہ یہ پیغام دیا جا رہا ہے کہ والدین بچوں سے کم عمر میں کام نہ کروائیں بلکہ انہیں تعلیم دیں اور ان کی تربیت اچھے سے کریں، جس سے وہ آگے چل کر ملک کا مستقبل بنیں اور اعلی عہدوں پر فائز ہوں۔

فلم امید کی کرن کی لانچنگ

اس فلم کے رائٹر، اداکار اور ڈائریکٹر یہ امید کرتے ہیں کہ اس فلم کے ذریعے جو مقصد عام کرنے کی کوشش کی جا رہی ہے وہ اس میں کامیاب ہوں گے۔ یہ فلم چائلڈ لیبر جیسے جرم کو ختم کرنے کے لیے ایک مشعل راہ بنے گی۔