اس تعلق سے اتر پردیش کے ضلع مرادآباد میں آزاد نگر میں واقع امام بارگاہ میں ہر برس کی طرح اس برس بھی حضرت امام حسین علیہ السلام کی یاد میں ایک مجلس کا انعقاد کیا گیا۔ اس مجلس کو مولانا فرمان حیدر نے خطاب کیا اور مرثیہ خوانی کے فرائض عباس حیدر زیدی اور ان کے ہمنواؤں نے انجام دیئے۔
مرداباد: حضرت امام حسین کے سفرکربلا کی یاد میں مجالس کا انعقاد
مجلس سے خطاب کرتے ہوئے مولانا فرمان نے کہا کہ' نواسۂ رسولؐ حضرت امام حسین علیہ السلام نے 28 رجب کو مدینہ سے کربلا کے لئے اپنا سفر شروع کیا تھا۔ اس سفر میں امام حسین علیہ السلام کے ساتھ خواتین اور چھوٹے بچّے بھی شامل تھے۔