راشٹریہ لوک دل کے سربراہ جینت چودھری نے رامپور کے تحصیل بلاسپور میں آر ایل ڈی کی ریلی کو خطاب کرنے کے بعد میڈیا کے نمائندوں سے اپنی بات چیت کے دوران رامپور کے رکن پارلیمان اعظم خاں کے خلاف حکومت کی کارروائیوں پر شدید افسوس کا اظہار کیا۔ انہوں نے کہا کہ وہ گذشتہ دنوں کافی بیمار رہے ان کی ایک تصویر جب سوشل میڈیا پر شائع ہوئی تو ان کی حالت دیکھ کر کافی افسوس ہوا۔
ویڈیو
اس موقع پر انہوں نے یہ بھی بتایا کہ ان کی پارٹی آر ایل ڈی گذشتہ اسمبلی انتخابات کی طرح اس مرتبہ بھی سماجوادی پارٹی کے ساتھ اتحاد کرکے 2022 کا اسمبلی چناؤ لڑنے جا رہی ہے۔ لکھیم پور کھیری واقعہ پر وزیر اعظم مودی کو اپنی سخت تنقیدوں کا نشانہ بناتے ہوئے کہا کہ اترپردیش کے وزیر مملکت مودی جی کے پسندیدہ وزیر ہیں لیکن کسانوں کی نظر میں وہ قاتل ہیں۔