آپسی مار پیٹ میں درجن بھر افراد زخمی

اتر پردیش کے ضلع بجنور میں ایک ہی طبقہ کے دو گروپ کے درمیان ہوئے جھگڑے میں کئی افراد زخمی ہو گئے ہیں، جنکا مقامی اسپتال میں علاج چل رہا ہے۔

اترپردیش کے ضلع بجنور کے تھانہ دھام پور کے تحت نہٹور روڈ کے قریب کیرار کھیڑی گاؤں میں دو فریقوں کے درمیان ہوئے جھگڑے میں درجن سے زائد افراد شدید طور پر زخمی ہو گئے ہیں، اس میں کئی افراد روزہ دار بھی تھے۔

معمولی بات کو لے کر کہا سنی ہوئی اور اس نے اتنا طول پکڑ لیا کے دونوں میں دھاردار ہتھیار و لاٹھی ڈنڈے چل پڑے جس کی وجہ سے دونوں اطراف کے درجن بھر افراد شدید طور پر زخمی ہوگئے ہیں۔

جائے موقع پر پہنچی پولیس نے معاملے کو کو رفع دفع کرا کر زخمی افراد کو سی ایچ سی دھام پور میں داخل کرا دیا۔

رمضان ہونے کے باعث اس میں کئی افراد روزہ دار بھی تھے، جو جھگڑے میں زخمی ہوئے ہیں، حالانکہ دونوں فریق کا تعلق ایک ہی طبقہ سے ہے۔