ملک میں کورونا وائرس کی دوسری لہر میں مریضوں سب سے زیادہ آکسیجن کی ضرورت پڑرہی ہے اور ملک میں کورونا کے کیسز میں مسلسل اضافے کی وجہ سے آکسیجن کے ساتھ ساتھ بیڈ کی بھی قلت ہورہی ہے۔
ریاست اترپردیش کے ضلع مرادآباد میں لوگوں کو اپنے مریضوں کے لیے آکسیجن سلینڈر لینے کے لیے کافی انتظار کرنا پڑرہا ہے، شہر کے آکسیجن سلینڈر کمپنی میں لوگ آکسیجن سلینڈر لینے کے لیے لمبی لمبی لائینوں میں لگے ہوئے ہیں۔
آکسیجن سلینڈر کمپنی میں موجود ضرورت مند لوگوں نے بتایا کی آکسیجن سلینڈر آسانی سے دستیاب نہیں ہے بلکہ شہر میں کچھ لوگ تو کالا بازاری کر رہے ہیں اور جو پہلے سات سو روپے میں آکسیجن سلینڈر دستیاب ہوتا تھا وہ اب 25 سو روپے میں بھی فروخت کیا جارہا ہے۔
ایک ضرورت مند نے کہا کہ اسپتال میں ایڈمٹ مریضوں کے لیے آکسیجن سلینڈر کا اب اسپتال کی جانب سے نہیں کیا جارہا ہے بلکہ ڈاکٹروں نے خود انتظام کرنے کو کہا ہے اس لیے آکسیجن سلینڈر کمپنی میں لوگوں کا زیادہ ہجوم ہے۔
آکسیجن سلینڈر کمپنی کے سب مینیجر فتح بہادر نے بتایا کی جتنی گیس آ رہی ہے اتنی گیس لوگوں کو مہیا بھی کرائی جا رہی ہے لیکن ہم لوگ وہی کام کرتے ہیں جو ہمیں اوپر سے کہا جاتا ہے اور سب سے پہلے گیس اسپتالوں میں پہنچائی جا رہی ہے پھر گھروں میں آئیسولیٹ مریضوں کے لیے بھی آکسیجن سلینڈر مہیا کرایا جا رہا ہے۔
