مرادآباد: جیل میں بند قیدیوں کے لیے ویکسینیشن

کورونا وائرس کی وبا سے نجات پانے کیلئے ملک بھر میں جگہ جگہ ویکسینیشن مہم چلائی جا رہی ہے۔ اسی سلسلے میں اتر پردیش کے مرادآباد ڈسٹرکٹ جیل میں بھی قیدیوں کو کووڈ ویکسین دی گئی۔

کورونا وائرس کی روک تھام کے لیے ملک میں ویکسینیشن مہم چل رہی ہے۔ زیادہ سے زیادہ لوگوں کا ویکسینیشن ہو سکے اس کے لیے حکومت پوری کوشش کر رہی ہے۔

اسی تناظر میں آج مرادآباد کی ڈسٹرکٹ جیل میں بند قیدیوں کا ویکسینیشن کیا گیا۔

غورطلب ہے کہ اس سے قبل تمام قیدیوں کو کورونا کی پہلی خوراک دی جا چکی ہے۔ اس بار دوسری خوراک کے لیے قیدیوں کا ویکسینیشن کیا گیا۔

ڈاکٹر بھٹناگر نے بتایا کہ مرادآباد ڈسٹرکٹ جیل میں تقریباً تین ہزار قیدی ہیں اور ان کا پہلا ویکسینیشن ہو چکا ہے اور دوسرے ویکسینیشن کا کام جاری ہے۔ سبھی قیدیوں کو ویکسین لگائے جانے کا کام چل رہا ہے۔

انہوں نے بتایا کہ دو ہفتے میں سبھی قیدیوں کا ویکسین کا کام پورا کر دیا جائے گا۔