پینٹنگ کے ذریعے عوام میں بیداری لانے کی کوشش

ریاست اترپردیش کے ضلع امروہہ میں ہندو یووا منچ کے کارکنوں نے مختلف چوک، چوراہوں پر پینٹنگ کے ذریعے عوام میں کورونا سے متعلق بیداری لانے کی کوشش کی ہے۔

اس سلسلے میں منچ نے بمبو گڑھ چوراہی، زویا روڈ اور امروہہ کے کوٹ چوراہا پر پینٹنگ کے ذریعہ کورونا وائرس سے متعلق بیداری پیغام دیا۔ ان پینٹنگ کا مشاہدہ کرنے کے لیے میونسپل کونسل کے ایگزیکٹو آفیسر منی بھوشن تیواری، میونسپل کونسل کی چیئرمین ششی جین سمیت دیگر لوگ پہنچے اور انہوں نے ہندو یووا منچ کے تمام کارکنوں کی ہمت افزائی کی اور مبارکباد پیش کی۔

امروہہ کی چیئرمین ششی جین نے کہا کہ' کورونا وائرس سے متعلق عوام میں بیداری لانا بہت ضروری ہے، اس سلسلے میں جو ٹیم کام کررہی ہے وہ قابل تحسین ہے۔ انہوں نے کہا کہ اس طرح کی پینٹنگز دیکھ کر لوگ یقینا آگاہ ہوں گے۔