مرادآباد: کورونا مثبت ڈاکٹر نظام الدین کی موت

ریاست اترپردیش کے ضلع مراد آباد میں صورتحال مسلسل خراب ہوتی جا رہی ہے۔ اتوار کے روز 19 مثبت کیس سامنے آنے کے بعد، آج صبح ایک پریشان کن کیس پھر محکمہ صحت کے سامنے آیا ہے۔

آج صبح ٹی ایم یو کے ہسپتال میں کورونا مثبت ڈاکٹر نظام الدین کی موت ہوگئی، جس کے بعد ضلع کے کورونا سے اموات کی تعداد دو ہوگئی ہے۔ پرائمری ہیلتھ سنٹر تاج پور میں تعینات ڈاکٹر نظام الدین پچھلے آٹھ دنوں سے آئسولیشن وارڈ میں داخل تھے اور ان کے کنبے کے پانچ افراد کو بھی قرنطینہ کیا گیا ہے۔

ڈاکٹر کی موت کے بعد محکمہ صحت میں خوف کا ماحول بن گیا ہے۔ مرادآباد میں تعینات ڈاکٹر نظام الدین کا آج صبح کورونا انفیکشن کے باعث انتقال ہوگیا۔ ڈاکٹر نظام الدین اس وقت ضلع کے کورونا کنٹرول روم میں کام کر رہے تھے اور دس دن قبل ان کی طبیعت خراب ہونے پر آئسولیشن وارڈ میں داخل کرایا گیا تھا۔ ڈاکٹر نظام الدین کی جانچ کی رپورٹ مثبت آئی جس کے بعد ان کے اہل خانہ کے پانچ افراد کو علیحدہ کردیا گیا۔

انتظامیہ نے تاج پور پرائمری ہیلتھ سنٹر کو سیل کردیا اور عملہ کو بھی قرنطینہ کے لے بھیج دیا۔ ٹی ایم یو میں داخل ڈاکٹر نظام الدین کی حالت بدستور خراب ہوتی جارہی تھی اور آخری دو دن سے انہیں وینٹی لیٹر پر رکھا گیا تھا۔ آج صبح ہسپتال میں علاج کے دوران ڈاکٹر نظام الدین کی موت ہوگئی ، جس کے بعد صحت کے کارکنوں میں کافی ہلچل ہے۔