مرادآباد: کانگریسی کارکنان کا گورنر کے نام میمورنڈم

ریاست اتر پردیش کے ضلع مرادآباد میں آل انڈیا کانگریس کمیٹی کی جانب سے کانگریسی کارکنان نے ڈی ایم دفتر پہنچ کر ڈی ایم راکیش کمار سنگھ کے ذریعے ریاستی گورنر کو ایک میمورنڈم پیش کیا۔

میمورنڈم میں کانگریسی کارکنان نے 69 ہزار ٹیچروں کی بحالی اور محکمہ مویشی پروری میں بدعنوانی کی تحقیقات سپریم کورٹ کے ریٹائر جج سے کرائے جانے کا مطالبہ کیا۔

مرادآباد کانگریس ضلع صدر ونود گمبر نے میڈیا سے بات چیت کرتے ہوئے کہا کہ' ریاست اتر پردیش کی حکومت میں اساتذوں کی بحالی روکی ہوئی ہے ان میں بدعنوانی ہوئی ہے جس کی تحقیقات کی جائے اور محکمے کے وزیروں کو برخاست کرکے ان کے خلاف سخت کارروائی کی جائے۔ انہوں نے کہا کہ' کورونا وائرس کی وجہ سے جو 144 نافذ ہے کیا صرف کارکان کے لیے ہے، جبکہ کانگریس کےعلاوہ باقی سیاسی پارٹیون کے کارکنان احتجاج کے دوران جمع ہورہے ہیں لیکن ان پر کوئی ایکشن نہیں لیا جارہا ہے'۔