ریاست اتر پردیش کے مرادآباد میں تیزی کے ساتھ کھیتی کی زمینوں پر پراپرٹی ڈیلر اور بلڈرس زمینوں پر ناجائز پلاٹنگ کر رہے ہیں۔ ان پراپرٹی ڈیلروں اور بلڈروں کے خلاف لوک تنتر بچاؤ مورچہ تنظیم نے ڈی ایم راکیش کمار سنگھ کے ذریعہ گورنر کو میمورنڈم بھیج کر مطالبہ کیا ہے کہ کھیتی کی زمینوں پر ناجائز پلاٹنگ کرنے والوں کے خلاف سخت کارروائی کرے۔
مورچہ نے مطالبہ کرتے ہوئے کہا کہ مرادآباد میں تیزی کے ساتھ کھیتی کی زمینوں پر ہورہی ناجائز پلاٹنگ کو روکا جائے اور کھیتی کی زمین کو بچایا جائے، اگر اسی طرح سے کھیتی کی زمینوں پر ناجائز پلاٹنگ ہوتی رہی تو کھیتی کی زمین نہیں بچے گی۔
لوگ تنتر بچاؤ مورچہ کے ضلع صدر نوشاد علی نے کہا کہ شہر کے چاروں طرف دیکھی جانے والی ہریالی ختم ہوتی جا رہی ہے۔ ایسے میں ہریالی کو بچانے کیلئے ضلع انتظامیہ کو سخت قدم اٹھانا ہوگا۔ انہوں نے کہا کہ کئی اعلیٰ افسران بھی بلڈر سے ملے ہوئے ہیں۔