بجنور: سڑک حادثے میں ایک ہلاک، دو زخمی

اترپردیش کے ضلع بجنور میں گنے سے بھرے ٹرک اور بائک کے درمیان تصادم میں ایک نوجوان شخص کی موقع پر ہی موت ہو گئی جبکہ اس کی بیوی و معصوم بچی زخمی ہو گئے۔ پولیس نے لاش کو قبضے میں لے کر پوسٹ مارٹم کے لئے بھیج کر دیا ہے۔

ریاست اترپردیش کے ضلع بجنور کے تھانہ چاندپور کے نوگاواں سادات ضلع امروہہ کا رہنے والا کپل اپنی بیوی کرن اور معصوم بچی بھاونا کے ساتھ بائک پر اپنے سسرال جارہے تھے تبھی ٹرک نے کنارے سے بائک پر ٹکر مار دی، جس کی وجہ سے کپل کی موت موقع پر ہی ہو گئی۔ اس حادثے میں کپل کی اہلیہ اور ان کی بچی زخمی ہو گئے۔ جنہیں ہسپتال میں بہتر علاج کے لیے داخل کرایا گیا ہے۔