ملک کی تمام کسان یونینوں نے اعلان کیا تھا کہ وہ تین زرعی قوانین کی واپسی کے لئے سبھی ٹول پلازہ پر احتجاج کر سبھی آنے اور جانے والی گاڑیوں کے لئے ٹول فری کرائیں گے۔ اس کے تحت ریاست اترپردیش کے مرادآباد کے مونڈھا پانڈے ٹول پلازہ پر بھارتیہ کسان یونین کے کارکنان نے تین زرعی قوانین کے خلاف احتجاج کرتے ہوئے سبھی آنے اور جانے والی گاڑیوں کا ٹول فری کرایا۔
مرادآباد: ٹول پلازہ پر بھارتیہ کسان یونین کا احتجاج بھارتیہ کسان یونین نے مرکزی حکومت کے خلاف نعرے بازی کرتے ہوئے حکومت سے مطالبہ کیا کہ حکومت جلد سے جلد ان تین قوانین کو واپس لے اور کسانوں کا امتحان نہ لے، ایسا نہ ہو کہ کاشتکاروں کے صبر کا باندھ ٹوٹ جائے اور سرکار کو بھاری پڑ جائے۔ یہ بھی پڑھیں: کسانوں نے تحریک کو تیز کرنے کا اعلان کیا
اس دوران ضلع انتظامیہ اور پولس ٹول پلازہ پر بھاری تعداد میں موجود رہی۔
واضح ہو کہ نئے تینوں زرعی قوانین کے خلاف دہلی بارڈر پر گزشتہ اٹھارہ دنوں سے کسان احتجاج کر رہے ہیں۔ اس دوران کسان رہنماؤں اور حکومت کے ساتھ کئی دور کی بات بھی ہو چکی ہے لیکن حکومت اپنے قانون کو واپس لینے کو تیار نہیں ہے اور نہ ہی کسان اپنے مطالبات سے پیچھے ہٹنے کے لئے تیار ہیں۔
اس دوران کسانوں نے بھی حکومت کو متنبہ کیا ہے کہ اگر ان کے مطالبات جلد پورا نہیں کیا گیا تو وہ اپنے مظاہروں کو اور بھی زیادی تیز کریں گے اور ایسے میں حکومت کو پریشانی کا سامنا کرنا پڑ سکتا ہے، حالانکہ کسان تنظیموں نے صاف کیا ہے کہ وہ پر امن احتجاج کے سہارے ہی آگے پڑھیں گی اور حکومت سے اپنے مطالبات کو منوانے میں کامیاب ہوں گی۔
