جماعت اسلامی ہند کی جانب سے بیداری مہم پروگرام

اترپردیش کے ضلع مرادآباد میں جماعت اسلامی ہند کی جانب سے بروز جمعرات ایک بیداری مہم پروگرام کا انعقاد کیا جائے گا، اس پروگرام سے مغربی اترپردیش جماعت اسلامی ہند کے صدر جناب عزیز خان خطاب کریں گے۔

بیداری مہم پروگرام 19 تا 28 فروری 2021 تک جاری رہے گی، ضلع مرادآباد کے پنڈت نگلا میں واقع جماعت اسلامی ہند کے دفتر میں یہ پروگرام منعقد کی جائے گی۔ پروگرام آرگنائزر رفیق الزماں خان نے ای ٹی وی بھارت سے کہاکہ' جماعت اسلامی ہند پورے ملکی سطح پر شعبہ خواتین کی جانب سے خاندان مضبوط سماج کے نام سے ایک مہم بنانے جا رہی ہے۔اور دوسری مہم نفاذ قانون وراثت کے موضوع پر ہے۔

پروگرام آر گینائزر نے مزید کہاکہ' جیسا کہ ہم آج دیکھتے ہیں سماج میں جس کا جو حق ہے اس کی پامالی کی جارہی ہے، آپسی اخوت و محبت میں کمیاں آرہی ہیں۔ مغربی ممالک کے طرز پر ہمارے یہاں بھی 'سنگل پیرنٹس' کا رواج بڑھتا جا رہا ہے۔ ایک اچھے سماج کے وجود کے لیے اچھے خاندان کا ہونا ضروری ہے۔

جماعت اسلامی ہند کی جانب سے بیداری مہم پروگرام

انہوں نے کہاکہ' مغربی تہذیب ہمارے ذہن ودماغ میں چھاتی جا رہی ہے ہم جنس پرستی کو فروغ مل رہا ہے۔ اسی طرح عام سماج میں خواتین کو وراثت سے محروم رکھتے ہیں اس تئیں بیداری لانا ہمارے اس اس پروگرام کا مقصد ہے۔