مراد آباد: آل انڈیا کسان کھیت مزدور سنگٹھن نے بھارت بند کی حمایت کی

آل انڈیا کسان کھیت مزدور سنگٹھن نے 26 مارچ کو بھارت بند کی حمایت میں لوگوں کو بیدار کیا۔

ریاست اتر پردیش کے ضلع مرادآباد میں آل انڈیا کسان کھیت مزدور سنگٹھن کے چند عہدے داران نے نئے زرعی قوانین کی مخالفت کرتے ہوئے 26 مارچ کو بھارت بند حمایت کی ساتھ ہی اس تعلق سے لوگوں سے رابطہ کرکے انہیں 26 مارچ کو اپنے کاروباری معاملات بند رکھنے کی التجا کی۔

سنگھٹن کے ممبران نے لوگوں کے درمیان جا کر ملک میں بڑھ رہی بے روزگاری مہنگائی اور حکومت کے ذریعے عوام کے خلاف بنائے جارہے نئے نئے قوانین اور نئے زرعی قوانین کے خلاف آواز اٹھانے اور 26 مارچ کو ان قوانین کے خلاف بھارت بند کرنے کی گزارش کی۔سنگٹھن کے صدر نے ای ٹی وی بھارت کے نمائندے سے بتایا کہ سرکار عوام کے خلاف جو قانون لارہی ہے اس کے خلاف آواز اٹھانا بہت ضروری ہے اور یہ کام ہر طبقہ ہر مذہب ہر سنگھٹن اور ہر شخص کو کرنا چاہیے جیسے کہ سرکار عوام کے خلاف لائے گئے سبھی قانون بالخصوص زرعی قوانین کو واپس لے اور اس کے لیے ہمارا سنگٹھن عوام کو بیدار کرنے کا کام کر رہا ہے۔