میرٹھ یونیورسٹی میں اردو سیمینار کا اہتمام

ریاست اتر پردیش کے ضلع میرٹھ کے چودھری چرن سنگھ یونیورسٹی کے شعبہ اردو میں جاری دو روزه سیمینار میں آج جديد انفارمیشن ٹیکنالوجی میں اردو زبان کے استعمال کے عنوان سے ایک پروگرام کا اہتمام کیا گیا۔

اس میں ملک بھر سے مقاله نگاروں نے اپنے مقالوں میں جديد ٹیکنالوجی میں اردو کے استعمال پر روشنی ڈالی۔

ایک مہمان نے کہا کہ 'موجودہ دور میں ترقی کے لئے انفارمیشن ٹیکنالوجی کی ضرورت اور اہمیت سے انکار نہیں کیا جا سکتا۔ سماج کے مختلف شعبہ کے ساتھ ہی زبان اور ادب کے میدان، جہاں انفارمیشن ٹیکنالوجی کی طاقت نے اپنا اہم کردار ادا کیا ہے۔ وہیں جدید انفارمیشن تکنیک میں زبانوں کا اپنا اہم رول رہا ہے اور اردو بھی اس سے الگ نہیں ہے'۔

ایک دوسرے مہمان نے کہا کہ 'اردو زبان اور ادب کی ترویج و اشاعت میں جہاں انفارمیشن ٹیکنالوجی کا اہم کردار ہے وہیں انفارمیشن ٹیکنالوجی میں خاص طور پر میڈیا کے شعبہ میں اردو زبان کی اہمیت اور ضرورت کو بھی فراموش نہیں کیا جا سکتا۔'

جانکاری کے اس دور میں پرنٹ سے لے کر ٹیلی ویژن اور سوشل میڈیا تک اردو زبان کا استعمال نظر آتا ہے۔