میرٹھ۔: زرعی قوانین کی حمایت میں ریلی، کسان ہی ندارد

میرٹھ میں بھارتی جنتا پارٹی کی جانب سے کسان ریلی کا اہتمام کیا گیا، جس میں نئے زرعی قوانین 2020 کی حمایت کرتے ہوئے مرکزی وزیر اسمرتی ایرانی نے کسانوں کو اس قانون کے فوائد بتائے۔ انہوں نے کسانوں کے احتجاج کو مخالف سیاسی جماعتوں کی جانب سے ورغلانے کا الزام بھی لگایا۔ تعجب کی بات یہ رہی کہ اس کسان ریلی میں کسان کہیں نظر نہیں آئے۔

ریاست اترپردیش کے ضلع میرٹھ میں زرعی قوانین کی حمایت میں کسان ریلی کا اہتمام کیا گیا۔ مرکزی وزیر اسمرتی ایرانی نے ریلی سے خطاب کیا اور اس قوانین کے فوائد گنائے، جبکہ اس دوران کسانوں کے علاوہ پارٹی کارکنان اور دیگر پولیس افسران ہی نظر آئے۔

نئے زرعی قوانین کے خلاف کسانوں کا احتجاج پچھلے قریب 20 روز سے جاری ہے۔ مرکزی حکومت کی جانب سے اس احتجاجی مہم کو کمزور کرنے کے لئے میرٹھ میں کسان ریلی کا اہتمام کیا گیا۔

میرٹھ۔: زرعی قوانین کی حمایت میں ریلی، کسان ہی ندارد

مرکزی وزیر اسمرتی ایرانی نے زرعی قوانین کی حمایت کرتے ہوئے کسانوں کو سیاسی جماعتوں کا مہرا بتاتے ہوئے کہا کہ' کسانوں کے احتجاج کے پیچھے مخالف سیاسی جماعتوں کا ہاتھ ہے جو اس قانون کی مخالفت کر رہے ہیں۔ ان کا مزید کہنا تھا کہ' حکومت کی جانب سے نافذ کیے گئے اس نئے زرعی قوانین سے کسانوں کو ان کی فصل کی واجب قیمت ملے گی۔

زرعی قوانین کی حمایت میں منعقدہ ریلی میں کسانوں کے علاوہ پارٹی کارکنان اورپولیس کے اہلکار ہی نظر آئے۔ زرعی قوانین کے نافذ کیے جانے کے بعد سے مسلسل کسان اس قوانین کی مخالفت کررہے ہیں۔