میرٹھ: ٹریکٹر چوری کرنے والوں کا گروہ بے نقاب

ملک گیر پیمانے پر ٹریکٹر چوری کی وارداتوں كو انجام دینے والے ٹریکٹر چور گینگ کا میرٹھ پولیس نے پردہ فاش کیا، گرفتار کیے گئے بدمعاشوں کے پاس سے پولیس نے تقریبا آٹھ ٹریکٹر بھی برآمد کیے ہیں۔

میرٹھ کے میڈیکل تھانہ علاقے سے ملک گیر پیمانے پر ٹریکٹر چوری کی وارداتوں كو انجام دینے والے گینگ کے تین افراد كو گرفتار کیا گیا ہے، گرفتار کیے گئے ملزمان کے پاس سے پولیس نے تقریبا آٹھ ٹریکٹر بھی برآمد کیے ہیں۔ میرٹھ پولیس کی بڑی کامیابی پر اعلیٰ افسران نے بیس ہزار نقد کا انعام بھی دیا ہے۔

ذرائع کے مطابق میڈیکل تھانہ کے شاستری نگر علاقے میں چوری کے ٹریکٹروں كو جمع کرکے ان كو دوسرے ریاستوں میں فروخت کرنے کی کوشش کے دوران پولیس نے ملزمان سے تصادم کے بعد گرفتار کیا، اس درمیان ایک بدمعاش کے پیر میں بھی گولی لگنے سے زخمی ہوگیا تھا۔