میرٹھ: شہید جوان کے اہل خانہ کو مناسب معاوضہ دینے کا مطالبہ

پلوامہ حملے میں اپنی جان کی قربانی دینے والے میرٹھ کے اجے اور ان کے اہل خانہ کو ان کا حق دلانے کے لیے راشٹریہ لوک دل نے احتجاجی مظاہرہ کرتے ہوئے میمو رنڈم سونپا۔

فروری 2019 کو پلواما میں ہوئے حملوں کے مقابلے کے دوران جاں بحق ہوئے میرٹھ کے بسا ٹیکری گاؤں کے رہنے والے اجے کو حکومت کی طرف سے صرف وعدوں کے علاوہ کچھ نہیں ملا۔ اجے کے اہل خانہ کو ان کا حق دلانے کے لیے آج میرٹھ میں یوا راشٹریہ لوک دل کے سینکڑوں کارکنان نے ضلع کلکٹریٹ آفس پر احتجاجی مظاہرہ کرتے ہوئے اجے کو ان کا حق دلانے کا مطالبہ کرتے ہوئے ایک میمورنڈم یوپی گورنر کے نام پیش کیا۔

میرٹھ کے بسا ٹیکری گاؤں کے رہنے والے اجے کو سرکار کی طرف سے جو وعدے کئے گئے تھے، جن میں گاؤں کا نام اجے نگر رکھا جانا تھا ساتھ ہی گاؤں میں بچیوں کے لیے ایک انٹر کالج بنانے کی بھی بات کہی گئی تھی لیکن دو سال بعد بھی آج تک ان کے اہل خانہ کو کوئی معاوضہ نہیں مل پایا ہے۔

ملک کے لیے اپنی جان کی قربانی دینے والے ایسے جانبازوں کو ان کا حق دیا جانا بھی ضروری ہے۔ اسی وقت ہم اپنے جانبازوں کو ان کا حق دلا سکتے ہیں۔