کورونا دور کے پہلے بجٹ سے عوام میں مایوسی

کورونا دور میں عام آدمی کے لیے مودی حکومت کی جانب سے پیش کیے گئے پہلے بجٹ کو لیکر عوام کی جانب سے ملے جلے تاثرات سامنے آ رہے ہیں۔ ایک طرف جہاں عام آدمی کے مطابق یہ بجٹ مایوس کن رہا تو وہیں دوسری طرف ماہر معاشیات نے اسے بہتر قرار دیا ہے۔

مودی حکومت کے دوسرے میعاد کے تیسرے بجٹ کو وزیر خزانہ نرملا سیتا رمن نے پیش کیا۔ کورونا وبا کو ذہن میں رکھ کر پیش کیے گئے اس بجٹ میں زیادہ شعبہ میڈیکل کو ترجیح دیتے ہوئے کئی اعلانات تو کیے گئے لیکن عام آدمی کے لیے اس بجٹ میں کچھ خاص رعایت نہیں دیے جانے سے عوام میں ناراضگی بھی دیکھی جا رہی ہے۔

کورونا وبا کے پیش نظر مودی حکومت کی جانب سے جاری اس بجٹ میں جہاں صحت کے شعبے پر توجہ دینے کی کوشش کی گئی ہے تو وہیں عوام کو اس بجٹ کے بعد بھی مہنگائی سے نجات ملتی نہین دِکھ رہی ہے۔