میرٹھ: دوران نے نماز دو فٹ کے فاصلے کا خاص اہتمام کیا جائے

عالمی وباء کورونا وائرس کے پھیلاؤ کو روکنے کے لیے ملک گیر سطح پر لاک ڈاؤن نافذ کیا گیا تھا جس کی وجہ سے تمام عبادت گاہوں کو بند کردیا گیا تھا، تاہم آٹھ تاریخ سے عبادت گاہوں کو کھولنے کی اجازت ہے۔

عبادت گاہوں كو 08 جون سے کھولے جانے کے اعلان کے بعد ان عبادت گاہوں کے منتظمین نے بھی اس کی تیاری شرو ع کر دی ہے۔ میرٹھ میں بھی شاہی جمع مسجد میں شہر قاضی نے مصلوں کی آمد پر ضروری احکامات جاری کیے ہیں۔

انہون نے سبھی مساجد کے ذمہ داران كو تاکید کی ہے کہ مسجد میں صاف صفائی کا خاص خیال رکھا جائے تاکہ کسی قسم کا کوئی انفیکشن نہ پیدا ہو۔ شہر قاضی نے یہ بات آج جمعہ کی نماز کے دوران کہی۔ انہوں نے کہاکہ' دوران نے نماز دو فٹ دوری کا خاص اہتمام کیا جائے۔'

ملک میں لاک ڈاؤن کے 04 مرحلوں کے بعد اب ان لاک 1.0 کیے جانے سے جہاں عوام میں خوشی دیکھی جا رہی ہے وہیں اس بات کی دعا بھی کی جا رہی ہے کہ ہمارے ملک سے كورونا وائرس جیسی وبا کا جلد خاتمہ ہو۔