میرٹھ۔: جل نگم ملازمین احتجاج کرنے پر مجبور

سرکاری ریاستی محکموں کی ملازمتوں میں تقرری کا وعدہ کرنے والی اترپردیش کی یوگی حکومت اب سرکاری محکموں کے مستقل ملازمین کو وقت پر تنخواہ اور ریٹائرڈ  پنشن تک دینے سے قاصر  ہے  یہی وجہ ہے کہ یو پی جل نگم کے ملازمین  گزشتہ پانچ ماہ سے تنخواہوں کے لیے پریشان ہے اور حکومت کی عدم توجہی کے خلاف مجبوری میں احتجاج کرنے پر مجبور ہیں۔

ریاست اتر پردیش کے ضلع میرٹھ میں اُتر پردیش جل نگم سنگھرش سمیتی کے بینر تلے احتجاجی دھرنے پر بیٹھے جل نگم کے ملازمین کا کہنا ہیکہ ان کو پچھلے پانچ ماہ سے تنخواہ نہیں ملی ہے۔ جس کی وجہ سے ان ملازمین کو اپنے گھر کے اخراجات کو پورا کرنے کیلئے مشکلات کا سامنا کرنا پڑ رہا ہے۔

حکومت کی عدم توجہی کے شکار اب یہ ملازمین ڈیوٹی کرتے ہوئے لنچ ٹائم میں ایک گھنٹہ احتجاج کرکے حکومت کے خلاف اپنی ناراضگی کا اظہار کررہے ہیں۔

میرٹھ۔ :جل نگم ملازمین احتجاج کرنے پرمجبور

میرٹھ۔ :جل نگم ملازمین احتجاج کرنے پرمجبور

عام آدمی کی بنیادی ضروریات کو پورا کرنے والے جل نگم کے ملازمین کی پریشانیوں کو دیکھتے ہوئے حکومت کو بھی ان کے مطالبات کو جلد پورا کرنے کی ضرورت ہے تاکہ یہ ملازمین معاشی بحران سے نکل کر اپنے کام کو من لگاکر شدت کے ساتھ انجام دے سکیں۔