میرٹھ: آل انڈیا ملّی کونسل نے کمشنر کو میمورنڈم سونپا

عید الاضحٰی کے موقع پر قربانی کے جانوروں کے بازار اور مساجد میں نماز کی اجازت کے مطالبے پر آج آل انڈیا ملّی کونسل ضلع میرٹھ کے مقامی زمہ دار ان نے کمشنر سے ملاقات کی اور کمشنر کے ذریعہ وزیر اعلیٰ کو میمورنڈم پیش کیا۔

ملّی کونسل کے مقامی زمہ داران کا کہنا ہے کہ جب ان لاک ون میں بازار اور شاپنگ سینٹرو کے کھولنے کی اجازت دی جا سکتی ہے ہیں تو پھر عبادت گاہوں میں پانچ سے زائد افراد اور قربانی کے جانوروں کے بازار کی بھی شرائط کے ساتھ اجازت دی جانی چاہیے'۔

میرٹھ میں آل انڈیا ملّی کونسل نے کمشنر کے ذریعہ وزیر اعلیٰ کے نام پیش کئے میمورنڈم میں عید الاضحٰی پر قربانی کے جانوروں کا بازار لگنے کی اجازت کے مطالبہ کے ساتھ ہی مساجد میں نماز کے لیے بھی پانچ افراد کی پابندی کو ختم کرنے کا مطالبہ کیا ہے۔

اب دیکھنا ہوگا کہ حکومت تہوار كو ديكهتے ہوئے ان لاک میں عبادت گاہوں میں پانچ افراد کی پابندی كو ختم کر پاتی ہے یا نہیں۔