مندسور واقعہ: میرٹھ میں کانگریس پارٹی کی اقلیتی سیل کا احتجاج

میرٹھ میں کانگریس پارٹی کی اقلیتی سیل کے کارکنان نے مدھیہ پردیش کے مندسور میں مسلمانوں پر ہوئے حملے اور مسجد پر بھگوا پرچم لہرائے جانے کے خلاف احتجاج کیا، جس میں شیو راج سنگھ چوہان کو برخاست کرنے کا مطالبہ کیا گیا۔

ریاست اترپردیش کے ضلع میرٹھ میں کانگریس پارٹی کی اقلیتی سیل کے کارکنان نے مدھیہ پردیش کے مندسور میں مسلمانوں پر ہوئے حملے اور مسجد میں بھگوا جھنڈے لہرائے جانے کے خلاف احتجاج کیا۔

احتجاج کے دوران مظاہرین نے مدھیہ پردیش کی حکومت اور شیوراج سنگھ کے خلاف نعرے بازی کرتے ہوئے شرپسند افراد کے خلاف سخت کاروائی کا مطالبہ کیا۔

مظاہرین نے صدر جمہوریہ کے نام ایک میمورنڈم بھی پیش کیا، جس میں مدھیہ پردیش حکومت کو برخاست کرنے کے ساتھ ساتھ آر ایس ایس کے کارکنان کی ناپاک حرکت پر این ایس اے لگانے کا بھی مطالبہ کیا گیا۔

واضح رہے کہ مندسور میں چند روز قبل کچھ شرپسند افراد کے کی جانب سے مسجد پر چڑھائی کرتے ہوئے، بھگوا پرچم لہراتے ہوئے، نعرے لگاتے ہوئے اور نقصان پہنچانے کی کوشش کرنے کی ویڈیو سوشل میڈیا پر وائرل ہوئی تھی۔