میر ٹھ : کورونا وائرس کے پیش نظر احتیاطی تدابیر پرعمل کرتے لوگ

کورونا وائرس خطرے کے پیش نظر ملک میں 21 دنوں کے لاک ڈاؤن کے اعلان کے بعد لوگ احتیاطی تدابیر پر عمل کرتے ہوئے خود کو محفوظ رکھنے کی کوشش کر رہے ہیں۔

ریاست اتر پردیش کے ضلع میر ٹھ میں بھی اس کی ملی جلی تصاویر ديكهنے كو ملی۔ لیکن شہر کے کئی پچھڑے علاقوں میں لوگ اس خطرے کو سنجیدگی سے نہ محسوس کرتے ہوئے لاپرواہی بھی برت رہے ہیں ۔

میرٹھ میں کئی ایسے علاقوں میں جہاں لوگوں کے گھروں سے باہر نکل کر محلہ کی گلیوں میں گھومنے کی تصاویر نظر آئی وہیں کئی علاقوں میں لوگ سنجیدگی سے احتیاطی تدابیر پر عمل کرتے ہوئے بھی نظر آئے۔

کئی محلہ اور سوسائٹی میں لوگوں نے خود ہی گلیوں اور گیٹ کو بند کر دیا ہے سول ڈیفنس کے لوگ بھی رضاکارانہ طور پر پولیس کی مدد کر رہے ہیں۔ کچھ افراد نے تو سڑکوں پر مورچہ سنبھال رکھا ہے اور میڈیکل سروسز سے جڑے کئی افراد سڑکوں پر پولیس اور دیگر خدمات انجام دینے والوں کو ماسک تقسیم کرتے نظر آے ۔

شہر کے پچھڑے علاقوں میں بھی لوگ ابھی بھی اس خطرے کی نوعیت کو محسوس نہیں کر رہے ہیں اور اپنے گلی محلہ میں جمع ہوکر دوسروں کے لئے بھی خطرے کا سبب بن رہے ہیں۔

کئی علاقوں میں لوگوں نے احتیاطی اقدامات کرتے ہوئے اپنے گلی محلہ کو لاک کر دیا ہے۔ضرورت کے تحت باہر جانے والوں کو لوٹنے پر سنیٹایز کرکے ہی محلہ اور گھر میں داخل ہونے دیا جا رہا ہے۔

پولیس اہلکارون کی مدد کے لئے سول ڈیفنس کے لوگوں نے بھی چوراہوں پر مورچہ سنبھال لیا ہے۔غیر ضروری طور پر گھر سے باہر نکلنے والوں کو روکا جا رہا ہے اور ہدایت دی جا رہی ہے۔