میرٹھ: کسان مہا پنچایت میں زرعی قوانین کو منسوخ کرنے کا مطالبہ

زرعی قوانین کے خلاف اب کسان مہا پنچایت کے ذریعہ حکومت پر دباؤ بنانے کی کوششیں جاری ہیں۔ اسی ضمن میں آج میرٹھ میں راشٹریہ لوک کے زیر اہتمام کسان مہا پنچایت نے زرعی قوانین کو منسوخ کرنے کا مطالبہ کیا۔

اتر پردیش کے ضلع میرٹھ میں بھینسا گاؤں میں ایک کسان مہا پنچایت کا اہتمام کیا گیا، جس میں ہزاروں کی تعداد میں کسانوں نے حصہ لے کر حکومت کی پالیسیوں کے خلاف آواز بلند کی۔

پنچایت کو خطاب کرتے ہوئے راشٹریہ لوک دل کے رہنما جینت چودھری نے کہا کہ' زرعی قوانین کے ذریعے حکومت کسانوں کا استحصال کر رہی ہے۔ اگر یہی حالات رہے تو یو پی میں 2022 کے اسمبلی انتخابات میں کسان موجودہ حکومت کو باہر کا راستہ دکھا کر ان کو سبق سکھانے کا کام کریں گے۔

میرٹھ: کسان مہا پنچایت نے زرعی قوانین کو منسوخ کرنے کا مطالبہ کیا

زرعی قوانین کی مخالفت میں جہاں دوسری سیاسی جماعتیں حکومت کو گھیرنے کا کام رہی ہیں وہیں، مغربی اتر پردیش میں اپنی کھوئی ہوئی زمین کو واپس پانے کی کوشش میں راشٹریہ لوک دل کوئی کسر نہیں چھوڑنا چاہتی ہے۔